Mara Chanô Chhaichhi zy

MARA CHANÔ CHHAICHHI ZY ( HNO, POH, CHYSIA)

 

Marapa chanô zy he ta Poh amâ sai tyhpa cha ‘HNO’ tah ei ta, HNO he chi kha dei châ leipata, chi hluhpi eima hnei, a ry liata palâsapa zy he ama châ , hlano via tawhta eima vaw hneipa thokha a thabypa(origin) marapa poh a cha tlai tahpa a vaw puana dâh chhao palâsa laipa a cha.

1.   HNOKAO  :                      Hnokao he Marapa chanô atobina liata ama pasâhsa kawpa châta

Poh chakhyhpa râ dâh nata a lyu leipata a chei yzie hnei kawpa nata a kao hneipa ta râpa a châ.A kiky deikua anano nanopa ta âzei theipa nata akiky rôh chhao kho dâh hawhta thla theipa a cha.He hawhpa poh he cha y hâ ta a saipa châ leipa ta, noh peimawh no ta a tobi n’awpata ama hma ty.He poh he Marapa chanôzy ta ama poh hneipa liata apha chaipa nata ama pasôh chaipa a châ.Dyhpha viapa nata Abeizuahzy ta ama hnei theipa acha. A hnei theipa châta cha ama hnei thei khai, abeizuah poh dei châ hlei vei.Pu pala saita atôh chhao apheih chhao hmâpa châta, amâ chhao aru kaw,a pôhpa dua ta kiky ama pabie khai ha, a sa chhao aru kaw.

2.   HNOLÂKHAI :       Hno Lâkhai he, arâ dâh a chei y leipa ta, palah vyhpa saita râ ei ta, poh hropa

hawh ta sa thlâhthlipa chaleipa ta, kiky yna su maihta sa tyhpa châta, chaleipa kiky li kaw liatapa mai he ( KHAIPA ) sai a châ.

3.   HNORISIE :          Hnorisie he apôpalôhpa ta avypa ta râpa a châ. apôpalôhpa ta a

kao ta zeipa a châ. Akao chhô liata pawpi (apaw) sakha saita â khô.A paw deikua cha khopa hawhta panano theipa acha.

 

VIAH/MARAHNO : Mara hno he, zakhano ta cha VIAH HNO ama tah. Atahma

thyutliapa chanô-MCHP ta VIAHNO tah thla hapa he a do thai leipa ta pahno ta, cha vata MARA HNO tahpa ta  bipa acha. Viah hno ama tahna chhâpa cha viah taopa pala ama hmâpa vâta a cha. A pheih he pala râhpa nata pala saihpazy ta ama i-âh, apheih likawh liata kiky nano nanopa (pawpi) ama zei laih.

 4.   HNOKHÂH          Hnokhâh chhaopa he, asa dâh ariasie kawpa châta, poh hropa

hawhta ei  kha  ta sa thaipa cha leipa ta, Alia liahtapa he sa tua’pa châta, asa dâh he kiky azei leina maih ta ALÂKHAI pa sai a châ, kiky a zeina lia maih ta, khai leipa ta ama paphei ty. Cha tawhta achai lâ (alu lâ ) nata Achao lâ (Aphei lâ) tahpa he cha ei kha ta sa heih pa châta, a kiky chhao â nano, A kiky he a tlapahri ta zeipa a châ, poh (hno) hropa hawhta a zôh biena he su kha cha leipata su no lata bieh a byupa a châ.

  

 5.   CHYLAO HNO :   Chylao hno he, chapaw chylao Poh nata âlyu ta, chapaw poh

deikua  cha  a lâ arâpa akhai ta, chanô ei deikua cha alâ y vei.Chapaw Chylao poh mo pâpa ta sapa acha.

6    HNO KAOTHÔPA : Hno kaothôpa he a râna dâh cha Hnokao nahta alyu ta, kiky  chhao       alyu ta, hno kao thohpa liata cha akao saihpa lia maih ta zeileipa ta parua ei ta, siahrâlâ kaw ta, â ngia kaw.

7    HNO KAO KHAPA: Hno kao khapa he atlâhlâ kao kha ngâlâ tahnokao kiky hawhta zeipata sapa a cha. He hawpa cheingeileipa chhao ta kao kha a hno thla ha tlôpata kiky cha a  ngia ama  tahpa hawhta ama zei thei hra.

 8.  MGC POH : He poh he Mara Gospel Centenary a ly nawpa nata a thei ngâthlâh n’awpata Evangelical Church of Maraland ta Mara Chanô Py (M.CH.P ) â hawpa hawhta M.CH.P. ta pachhuahpano ta, Assembly Committee laipa lia taihta pass pata eima vaw hneipa a châ.

A pôhpa cha pala vyhpata râpa châ ta,atlâzô pali phiapata asaihpa râpâpa a châ. Avyhpa nata saihpa zôno ta kao thôh ta  châ ta,

 

MARAPA CHANÔ VIAPAKAO

 

  1. 1.   KAOHREI :                    Kaohrei viapakao he, Hlâno chanô zy ta ama vaw ky tyhpa a châ

Hnokao  hawhta a chei râhpa a cha Ano deikua kaohrei he cha, Achai liata A âh taopa a châ.

 

MARA CHANÔ POH 

1.   CHANÔ CHYLAO SHAWL :  Chano chyna Poh he, Arâda nata a kiky                      zei da a lyu.

 2.   CHANÔ CHYLAO POH         :           Chanô chylao poh he, chylao hno hawh ta râpa nata zeipa a châ

3.   PHIPHIA POH             :           Phiphia Poh he Avypa nata arâpa ta a i-âh ta, asaipa dita râpâpa châ ta,kiky zeipa  cha vei.

4.   TLÂHTHO POH            :           Tlâhtho poh he a sai vyhpa nata a vypa ta a i- â pa  a cha. He  chhao he kiky zeipa cha hra vei.

 

MARAPA CHAPAW POH

 1.   CHYLAO POH : Chylao poh he, Hlano daihti liata ano saw (Chyhsa y thei ) â tahpa

zy ta cha ama hnei khai. Noh peimawhpa noh liata cha ama bu khai ty. Apopa he avypa sai ta râ ei ta apôhpa zydua he, sa thlâhthli châ leipa ta, a khai tah khaipa sai a cha, apôhpalôhpa ta kiky zeipa châ ta, chatawhta a hmao la chha ta, alâ arâhpa ta khai ei ta, a liah rachhôh liata a lâ sano (2) ama khai heih. He poh he a sa chhao aru ngâsâ.

He Poh he Marapa poh  tlai a cha tahpa a lâna cha Haoma hla tawhta eima hmô. Haoma nata Vangia he  akhoh kaw ei ta, ama hnei ha. A ly kawpata ama y thlah ha no ta Beihra za tly ta, Haoma hnoh ta,alapino Vangaia cha

2.   CHYNA POH : Chyna Poh he, Hlano chapaw poh liata ama pasô kawpa châta, Hlano

chapaw poh liata cha, CHYLAO Poh nata CHYNA Poh he arônah chaipa ta ama hneipa a cha. CHYNA poh he cha Arâ da HNOKAO alyu ta, Ano deikua chyna poh he cha, A kao liata ngâlâ kiky a zei ta, Apoh hropa lâ a zei khao vei Chanô ei deikua cha apôpalôpata azei. He he anano na a châ.

3.   CHHAMEI KARU POH : Chhamei karu poh he cha pala arâpa (Angyupa ) pata râ ei ta.

Poh hropa hawhta râ leipa ei ta arâ da anano cha vâta apopa a lâ da chhao chhamei so karupa a lyu.

4.   LATHO POH : Hlano ta a zo poh lalôhpa châta ama hmâpa a châ. A tôh râhpa liata a

phei a pahrei kawpa ta paphei ei ta, a pahrei  he poh hropa hawhta a ri di leipa ta, a lalôh nawpa ta a pahrei kawpa ta ama paphei.

5.   POH ZAHPA : He he a râpa ta a phia kawpa ta râpa châta (Pala hriepa) pala ri dipa

pahrei tu leipa a zo lâ abu pa no chhô lâ ta a bu pâ theipa ta a laipa a cha sa thlâhpa  a châ.

6.   KEI – O PA POH :

 

MARAPA CHAPAW VIAPAKAO

 Hlano ta cha chapaw nah viakao cha pala reipa Sathlâhpa he a naosia kawpa ta bie ei ta amâ ky tyh.

1.   PHIPHIA VIAPAKAO :            Phiphei viapakao he Hlano ta Marapa chapaw zy he ta,

viapa kao moreipa ta vaw hnei leipa ei ta, cha vâta a tahmâ he, chanô Poh phiphia poh tawhta eima taopa a cha, Avypa nata arâpa ta â-i ahpa a châ.

2.   TLATHO VIAPAKAO :             Tlatho Viapakao chhao he phiphia viapakao hawhta Hlano

ta chapaw viapakao moreipa ta ama hnei leipa vâta chano poh tawhta eima taopa châ.

7.   CHIARAKU POH :         He poh he pala rih pahreipa ta sapa châta su no liata a

pawhmao la cha, ahmiapa ta a vyhpa ta a lâ khaipa a cha a poh cha a râpa a cha.

8.   LARY POH :                      He poh he pala ama reipa a tô ta paphei ei ta lalôh kaw ta a

zo lâta poh bupa a cha.

9.   LARY TEIPA :                He chhao he lary poh nata alyu tarawpa ta a tôhta a lalôh

Nawpata aphei ama papheihpa liata apai tliapata ama tei lai. Lary kha kupazo tie ta inches 3 ra chhôh

10.            THAKAO POH :               Machhie saw zy ta ama bu chaipa nata thi noh chhao ta ri to

poh  châ.ta ama hmâpa a cha. Apôhpa he a râhpa châ ta, a pawhmao tawhta thliepa ta 1 ½’liata a vyhpa ta zôno  (1”)rachhôh a kawhpa ta alâ ama khai.

2 Comments

  1. Apa vb beita says:

    Mara pa chapaw poh liana khita Chyna tawhna khita a chhana taihta Poh tah awpa ma PO maw?

  2. K.Pari says:

    ‘Poh’ tah awpa achâ, eima vaw pado aw. Eimâ châ ly kaw, typing mistake a châ.

Leave a Comment